Дашкольнае дзяцінства з’яўляецца першай і вельмі важнай ступенню ў выхаванні нацыянальнай самасвядомасці дзіцяці. Менавіта дашкольны ўзрост – важнейшы перыяд станаўлення асобы, калі закладваюцца перадумовы якасцей чалавека - грамадзяніна, развіваюцца ўяўленні дзяцей аб чалавеку, грамадстве і культуры.
Кожны павінен ведаць культуру і традыцыі сваёй Бацькаўшчыны. Таму ў нашай установе дашкольнай адукацыі было наладжана свята, якое назвалі «Люблю цябе, мой родны кут!».
У беларусаў старажытныя святы і абрады заўсёды суправаджаліся песнямі, танцамі, карагодамі, гульнямі, таму акрамя песень нашы дзеці на музычных святах знаёмяцца з рухамі беларускіх танцаў: карагодны, дробны, прыстаўны, перайменны крок, трайны прытоп, крок беларускай полькі і інш.
На святах нашым выхаванцам асабліва падабаецца ўдзельнічаць у гульнях.
Таксама дзеці пазнаёміліся з некаторымі відамі рамёслаў, распаўсюджаных на тэрыторыі нашай краіны.
Праходзяць святы цікава, бо ў нашым калектыве шмат талентаў: спяваць, танцаваць і абыгрываць ролі могуць многія.
Зробленая праца атрымала сваё адлюстраванне ў дзецях: яны сталі больш актыўнымі і эмацыянальнымі, пашырыліся іх уяўленні аб навакольным асяроддзі, узбагаціўся слоўнікавы запас, павысіўся інтарэс да народнай музыкі. Дзеці сталі лепей спяваць, распазнаваць беларускія народныя мелодыі, праяўляць цікавасць да беларускай мовы.