Міжнародны дзень роднай мовы - штогадовае свята, заснаванае ў 1999 годзе рашэннем Генеральнай сесіі ЮНЕСКА. Яго галоўная мэта - захаванне моўнай і культурнай разнастайнасці ў свеце, падтрымка нацыянальных моў і культур, а таксама забеспячэнне права кожнага грамадзяніна карыстацца роднай мовай.
Сёння, 21 лютага, у нашай дашкольнай установе прайшлі мерапрыемствы, прысвечаныя Міжнароднаму дню роднай мовы.
З самай раніцы выхаванцы віталі адзін аднаго на беларускай мове, жадалі добрай раніцы выхавацелям. Таксама праводзіліся гутаркі, арганізаваны беларускія гульні. Сумесна з музычнымі кіраўнікамі дзеці спявалі песні і танчылі, а потым спрабавалі розныя стравы беларускай нацыянальнай кухні.