разгарнуць » / « згарнуцьУ наш час навуковага прагрэсу востра стаіць пытанне аб маральным, эстэтычным выхаванні дзяцей. Менавіта ў дзіцячым садзе дзеці атрымліваюць першыя звесткі аб розных з'явах жыцця, ўбіраюць павагу да свайго горада, да Радзімы, даведаюцца шмат новага і цікавага аб іх мінулым і сучаснасці, знаёмяцца з майстрамі, якія ствараюць прыгажосць: мастакамі, скульптарамі. Таму надзвычай важна ў гэты перыяд сфармаваць вакол дзіцяці духоўнае асяроддзе, развіць эстэтычнае да яе стаўленне; падрыхтаваць дашкольніка не столькі інфармацыйна, колькі эмацыйна да ўспрымання творы мастацтва.
На дапамогу дарослым прыходзіць даволі маладая галіна педагагічнай навукі-музейная педагогіка. У нашай установе дашкольнай адукацыі створаны міні-музей лялек,
у якім прадстаўлены традыцыйныя беларускія лялькі,
сувенірныя лялькі,
лялькі народаў свету,
сучасныя лялькі,
рускія народныя цацкі.
У сапраўдных музеях чапаць нічога нельга, а вось у нашым міні-музеі не толькі можна, але і трэба! Яго можна наведваць кожны дзень, самому мяняць, перастаўляць экспанаты, браць іх у рукі і разглядаць. У звычайным музеі дзіця-толькі пасіўны сузіральнік, а ў нашым міні-музеі — сааўтар, творца экспазіцыі. Прычым не толькі ён сам, але і яго тата, мама, бабуля і дзядуля.
